Michelle, babysitting - 3250 Lyss

Hallo zämmä. Ig bi d‘Michelle und bi 21 Jahr aut. Ig sueche näbe mim gleehrnte Coiffeusebruef ä Näbejob wo ig mi cha beschäftige u öbis derzue verdiene. Bereits vor 2 Jahr ha ig paarmau dörfe gah hüete, was mir sehr gfaue het! Da mini Schwöster Kita leitig in Bern isch, weiss ig natürlech chlei wie das aues ablouft. Ig bi sehr gärn dusse und ungernime öbis. Trotzdem cha ig aber ou guet deheime si und mi immer mit öbisem beschäftige. Ig lose de Chind sehr gärn zue, due si tröschte wenn mau öbis nid so louft wies ihne grad passt und gibe säubschtverständech z‘beschte für mini Chochkünscht, Spiuisätz und Putzaglägeheite. Ig dänke i bi sehr offe und meh cha guet mit mir rede. Es würd mi fröie wenn ig wider öbisem chönnt nächer cho was ig sehr gärn mache. Bi däm Näbejob isch mir wichtig das mir üs gägesitig Vertroue und üs ufenand chöi verlah. I stah am Wucheend, sowie unger der Wuche am abe gärn zur Verfüegig! Hebets guet u hoffentlich bis gli ;)