Ramona, assistente all’infanzia a Winterthur

Ich bin sit Jahre Tagesmami in Winti und betreue eui Kids bi eus dihei ime grosse Huus mit Garte.
Selber bini Mami vome 11 Jährige Meitli wo au immerna voll debii isch mit de chline Knöpf
Am liebschte sind mir verusse, bi jedem Wetter segs ufem Spielplatz, Eulachpark, am Spaziere zum Enteteich oder eifach im garte am sändele, rutsche oder Trampolin springe.
Wenns emal chuddlet und stürmt hend mir au unterem Dach na en extra Spielbereich wos alles git wo chlini Bäbimamis und Papis, chlini Autofans oder Köch und Köchinne bruuched, au da wirds eune Kind nid langwiilig
Im EG bastled mir gern zämme, bached oder koched alli mitenand und im ganze Huus verteilt hets diversi Schlafplätzli damit sich eui chliine na echli chend usruebe nacheme Actionriiche Morge.
Mir isch en liebevolle, humorvolle Umgang mit de Kids genau so wichtig wie usgwogeni, gsundi Mahlziite oft mit Gmües und Frücht usem Garte...
Katzeallergie oder e Häsli abneigig settsch bi eus nid ha denn au eusi Huustierli ghöred mit dezue, si liebed aber frisch pflückts Gras oder d Katze es Leckerli zwüschedure vo de Knöpf, an suschte gends ire eiget Weg verusse, also angscht musch e keini ha
Ich freu mich vo eu z ghöre wenn ier na es Plätzli sueched für eui Kids